Starf skólans á vorönn 2017 er nú komið vel af stað. Framundan eru nokkrar dagsetningar í skóladagatali sem við viljum biðja foreldra að hafa í huga. Athugið að dagsetningar kennaratónleika skólans verða ekki birtar fyrr en í byrjun febrúar.
Tónleikahald hjá kennurum verður með svipuðum hætti og á haustönn. Hver kennari heldur tónleika með sínum nemendum. Skóladagatalið verður uppfært um leið og dagsetningarnar hafa verið ákveðnar.
Dagsetningar vem við biðjum ykkur að hafa í huga:
-
22. febrúar - samspilstónleikar í Safnaðarheimlinu á Hellu. Flestir kennarar eru búnir að upplýsa þá nemendur sem eiga að koma fram í samspilsatriðum á þessum tónleikum.
-
1. mars (Öskudagur) er starfs- og endurmenntunardagur hjá kennurum skólans. Öll kennsla fellur niður þann dag.
-
20. mars - 7. apríl fara fram stigspróf samkvæmt skólanámskrá í tímum hjá þeim nemendum sem eiga að fara í próf. Foreldrar eru látnir vita með góðum fyrirvara. Prófdómarar eru úr röðum kennara skólans.
-
4. og 6. stigs próf eru dæmd af utanaðkomandi prófdómurum og á áfangaprófsdögum (sjá neðar). Kennsla dagana 20. mars - 7. apríl er að öðru leiti með hefðbundnum hætti utan 26. og/eða 27. mars. Þá fara fram áfangapróf á vegum Prófanefndar við skólann. Kennsla fellur niður annan þessarra daga. Við látum við tímanlega hvor dagurinn það verður.
-
1. maí eru 2. afmælistónleikar skólans. Þar koma fram lengar komnir nemendur skólans og nemendur í ryþmadeild. Tónleikarnir fara fram í Hvolnum og eru lokaviðburðurinn á 60 ára afmælisári skólans. Þeir verða auglýstir sérstaklega bæði á hér á heimasíðunni í Búkollu og víðar.
Við minnum á að kennsla í tónlistarskólanum er með hefðbundnum hætti á
þemadögum, sparidögum, foreldraviðtalsdögum og fleiri uppbrotsdögum hjá grunnskólum í héraðinu. Þessir dagar eru litaðir
bleikir í skóladagatalinu.