Fréttir

Skólaslit Tónlistarskólans fyrir skólaárið 2025-2026 fara fram þriðjudaginn 19.maí kl:17:00 í Hvolnum á Hvolsvelli. Þá verða vitnisburðir og prófskírteini afhend og veittar viðurkenningar fyrir framúrskarandi árangur. Hlökkum til að sjá sem flesta!

Nú er verið að leggja lokahönd á nýja húsnæði tónlistarskólans á Hellu, en stefnt er að hefja kennslu þar í haust. Þar verðum við með fjórar kennslustofur. Ákveðið hefur verið að efna til nafnasamkeppni um nöfn á stofunum fjórum í nýja húsnæðinu.

Langar þig að læra á hljóðfæri? Í Tónlistarskóla Rangæinga er fjölbreyttur hópur frábærra tónlistarkennara sem kenna á 14 ólík hljóðfæri og söng. Það er kennt eftir aðalnámskrá tónlistarskóla og er boðið upp á bæði klassískt og ryþmískt nám. Næsta skólaár byrjar í lok ágúst og er opið fyrir umsóknir hér á heimasíðu skólans:

Nú er þemavikan okkar að hefjast sem þýðir að það er engin venjuleg kennsla nema að kennari hafi tekið annað fram! Þessa vikuna verða kennd 39 námskeið, nemendur hafa þegar skráð sig og fengið upplýsingar um hvar þeir eiga að vera. Ef eitthvað er óljóst þá er hægt að sjá alla skráningu á speed admin, nemendabókhaldskerfinu, speedadmin.com Ef einhvern vantar aðstoð við að komast inn á speed admin þá hafa samband á tonrang@tonrang.is , einnig minnum við á appið þeirra sem er mjög þægilegt að nota til að sjá stundatöflur nemenda.

Nótan, uppskeruhátíð Tónlistarskólanna fór fram nú í apríl á fimm stöðum um landið. Nemendur okkar komu fram á Tónleikum í Salnum í Kópavogi, síðast liðin laugardag, ásamt nemendum frá Tónlistarskólum frá Kraganum, Suðurlandi og Suðurnesjum.

Sunnudaginn 29. mars tóku þrír nemendur og einn kennari úr Tónlistarskóla Rangæinga þátt í stórum tónleikum í Eldborgarsal í Hörpu.