Fréttir

Kennt er samkvæmt Aðalnámskrá Tónlistarskólanna. Launakjör eru samkvæmt kjarasamningum sveitarfélaga og viðkomandi stéttarfélags. Við Tónlistarskóla Rangæinga starfa um 20 tónlistarkennarar, þar er góður starfsandi og blómlegt starf. Umsóknarfrestur er til og með 26.ágúst 2021

László Czenek fyrrverandi skólastjóri Tónlistarskóla Rangæinga lést 21. febrúar s.l. eftir Covid-19 veikindi. Hann hafði nýlega náð sextugsaldri. László starfaði við skólann frá 1999 til 2014 eða samtals í 15 ár og þar af 13 ár sem skólastjóri. Hann lætur eftir sig eiginkonuna Hédi sem einnig starfaði við skólann samhliða eiginmanni sínum og tvö uppkomin börn, soninn Marton og dótturina Agnesi. Við sendum Hédi og börnum hennar innilegar samúðarkveðjur og megi guð styrkja þau á þessum erfiðu tímum. Guð blessi minningu László Czenek.

Takmarkanir á skólahaldi verða rýmkaðar frá gildandi reglum samkvæmt nýrri reglugerð heilbrigðisráðherra í samræmi við tillögur sóttvarnalæknis. Breytingarnar leiða meðal annars til þess að mögulegt verður að bjóða upp á staðnám í öllum framhaldsskólum, einnig skólum með áfangakerfi. Á háskólastigi verður heimilt að hafa allt að 50 manns saman í rými en blöndun milli hópa er óheimil. Reglugerðin gildir til 28. febrúar en með fyrirvara um breytingar ef þörf krefur.

Allir nemendatónleikar í desember 2020 fara fram á sal skólans á Hvolsvelli og eru sendir út í beinu streymi á facebook síðu skólans.

Nú á meðan þriðja bylgja covid-19 gengur yfir hefur Tónlistarskólinn tekið í notkun frekari sóttvarnarráðstafanir.

Á fundi stjórnar Tónlistarskóla Rangæinga 22. maí var tekin ákvörðun um ráðningu í starf skólastjóra Tónlistarskóla Rangæinga sem auglýst var á dögunum. Niðurstaðan var að ráða Söndru Rún Jónsdóttur í starfið og mun hún hefja störf frá og með 1. ágúst 2020. Sandra Rún Jónsdóttir er 26 ára og er með bakkalár gráðu frá Listaháskóla Íslands í skapandi tónlistarmiðlun auk meistaragráðu frá Berklee Collage of Music (Global Entertainment and Music Business). Hún starfar nú sem skóla- og hljómsveitarstjóri hjá Skólahljómsveit Austurbæjar en hefur einnig sinnt tónlistarkennslu við Tónlistarskóla Reykjanesbæjar og Tónlistarskólann í Garði auk þess að starfa sem deildarfulltrúi við Tónlistardeild Listaháskóla Íslands. Hún stundaði tónlistarnám frá barnsaldri og leikur á blásturshljóðfæri. Hún hefur tekið þátt í Lúðrasveitarstarfi, spilað með Léttsveit og starfað með Bjöllukór Tónlistarskólans í Reykjanesbæ. Þá hefur Sandra Rún tekið virkan þátt í margvíslegu kóra- og leikhússtarfi.